Пошук


20.03.2019 12:06   Паводле: «Наша Ніва» / nn.by

19 сакавіка 1919 года, падчас польска-савецкай вайны чэкісты расстралялі ксяндза Вінцэнта Латарэвіча, які служыў у Ішкалдзі.

Яго цела разам з целамі трох іншых ахвяраў скінулі ў калодзеж у двары Мірскага замка. Калі польскае войска зноў заняло Мір, цела 33-гадовага святара было перавезенае ў Ішкалдзь і пахаванае на прыкасцёльным цвінтары. Усяго падчас польска-савецкай вайны 1918–1921 гадоў бальшавікі забілі больш за 100 ксяндзоў.

Напярэдадні сотай гадавіны з часу тых крывавых падзей у Ішкалдзі адбылася Імша памяці ксяндза Латарэвіча, цэлебрацыю якой узначаліў дапаможны біскуп Пінскай дыяцэзіі Казімір Велікаселец.

Як паведамляе партал «Наша Ніва» nn.by, у Імшы ўзялі ўдзел актывісты Саюза палякаў з розных гарадоў, а таксама польскія дыпламаты.

Абноўлена 20.03.2019 12:07
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.