28 снежня ў касцёле cв. Сымона і св. Алены адбылася сустрэча святароў, якія нясуць служэнне ў горадзе Мінску.
Сустрэча прайшла па ініцыятыве ксяндза каноніка Уладзіслава Завальнюка. Яе ўзначаліў арцыбіскуп Тадэвуш Кандрусевіч, Мітрапаліт Мінска-Магілёўскі, які ў яе межах таксама цэлебраваў святую Імшу.
У гаміліі іерарх у кантэкце свята святых Немаўлят, забітых па загадзе Ірада, якое адзначаецца ў гэты дзень, нагадаў, што ў Беларусі штогод тысячы ненароджаных дзяцей становяцца нявіннымі ахвярамі чалавечага эгаізму і нянавісці.
