6 снежня, у літургічны ўспамін св. Мікалая, навучэнцы Вышэйшай духоўнай семінарыі ў Гродне разам з прэфектамі кс. Андрэем Лішко і кс. Янам Раманоўскім мелі магчымасць зрабіць добры ўчынак і парадаваць вучняў Доцішскай сярэдняй школы.
Сустрэча распачалася са спартыўнага спаборніцтва па міні-футболе. Згуляць супраць семінарыйнай каманды, у склад якой увайшоў таксама пробашч мясцовай парафіі кс. Аляксандр Адамовіч, давялося як заўтрашнім выпускнікам, так і малодшым — дзевяцікласнікам. Падчас матчаў усе каманды паказалі выдатную гульню. Затым дзеці пачаставаліся салодкімі прысмакамі ад св. Мікалая.
Такога роду сустрэчы добра ўплываюць не толькі на фармацыю будучых святароў, але і на выхаванне саміх вучняў.
