Пошук


03.12.2018 15:09   Андрэй Юхнік / Catholic.by

Апошнія дні перад Адвэнтам перажываюцца асабліва радасна. У парафіях ладзяцца так званыя «Андрэйкі» — свята, на якім збіраюцца, каб дзяліцца радаснымі момантамі і адарвацца ад штодзённых клопатаў.

1 снежня ў супольнасці Вышэйшай духоўнай семінарыі ў Гродне таксама адбыліся «Андрэйкі», на якіх сабраліся студэнты гэтай установы разам з выхавацелямі, каб прыгадаць камічныя з’явы са штодзённасці, падзяліцца адзін з адным добрым настроем, што вельмі добра будуе братэрскі дух і аднаўляе сілы перад прыняццем адвэнтавых пастановаў.

Семінарыйныя гады — гэта час вучобы і фармацыі, час распазнання і ўмацавання свайго паклікання. Але асоба святара фармуецца пад уздзеяннем шматлікіх іншых фактараў, якія вучаць семінарыста быць шчырым і спагадлівым, добразычлівым і адказным, а таксама дапамагаюць мець пачуццё гумару і ўмець бачыць парадаксальныя моманты ў навакольным свеце.

 

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа