Дадатак Bible Lens будзе цікавы найперш знаўцам Бібліі. Яшчэ нядаўна ён быў у лідарах App Store, саступаючы толькі юцюбу, па колькасці запампоўванняў.
Сутнасць працы дадатку простая. Вы робіце здымак, загружаеце ў дадатак, а ён, аналізуючы змест здымка, падбірае адпаведны верш з Бібліі. Выкарыстоўваючы мноства варыянтаў дызайну, Bible Lens па-мастацку адлюстроўвае цытату з Бібліі, накладзеную на фотаздымак.
Для ўваходу ў Bible Lens спачатку трэба зарэгістравацца. На жаль, пакуль дадатак працуе толькі з Бібліяй на англійскай мове, таму цытаты на здымках будуць толькі на ёй.
