11 працэнтаў беларусаў цалкам згодныя з тым, што рэлігію варта выкладаць у школах, 22,8 працэнта — хутчэй згодныя. Пра гэта сведчыць апытанне кампаніі MIA Research для Даследчага цэнтра ДПМ (даследаванні, прагнозы, маніторынг), якое праводзілася ў маі-чэрвені 2018 года.
Даследаванне праводзілася ў межах міжнароднай тэхнічнай дапамогі «Развіццё Кастрычніцкага Эканамічнага форума» пры падтрымцы Еўрапейскага саюза.
Вера ў Бога надае сэнс жыццю ў той ці іншай ступені 59,9 працэнтам беларусаў.
16,3 працэнта беларусаў згодныя з тым, што сярод школьных прадметаў рэлігіі быць не павінна.
Наведванне святыняў пустой тратай часу ў той ці іншай ступені лічаць 15 працэнтаў. З імі не згодныя 32 працэнты беларусаў, якія маюць адваротную думку.
17,7 працэнтаў беларусаў пайшлі б у святыню следам за кімсьці з сяброў, яшчэ 30 працэнтаў зрабіла б гэта «хутчэй за ўсё». 18 працэнтаў апытаных не пайшлі б у царкву следам за сябрамі.
