Пошук


19.11.2018 11:43   Паводле: katolik.life / Catholic.by

16 лістапада, ва ўспамін Найсвяцейшай Панны Марыі, Маці Міласэрнасці — Маці Божай Вастрабрамскай, дапаможны біскуп Пінскай дыяцэзіі Казімір Велікаселец асвяціў новую капліцу ў Гомелі.

Святыня стала другім па ліку месцам малітвы гомельскіх католікаў пасля касцёла Нараджэння Божай Маці.

Новая капліца ўзведзена на месцы былой гістарычнай парафіі Унебаўзяцця Найсвяцейшай Панны Марыі побач з аднайменным касцёлам, які будуецца. Святыя Імшы ў новай капліцы будзе цэлебраваць біскуп Казімір Велікаселец.

Капліца знаходзіцца на перакрыжаванні вуліцы Аб’язной і праспекта Рэчыцкага.

Новы касцёл, які будуюць побач, фінансуецца выключна за ахвяраванні вернікаў і спонсарскай дапамогі. Святыня спраектавана ў псеўдагатычным стылі, яе краевугольны камень быў благаслаўлёны папам Францішкам.

Абноўлена 19.11.2018 14:08
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.