З 12 па 14 лістапада ў мурах Вышэйшай духоўнай семінарыі імя св. Тамаша Аквінскага ў Пінску адбылася фармацыйная сустрэча для святароў да пяці гадоў прэзбітэрату. У сустрэчы прынялі ўдзел святары з Пінскай дыяцэзіі і Мінска-Магілёўскай архідыяцэзіі.
Акрамя духоўных канферэнцый і насычанай малітоўнай праграмы, маладыя прэзбітэры мелі магчымасць паглыбіць свае веды ў галіне юрыдычных аспектаў душпастырскага служэння ў парафіях Беларусі.
Таксама сярод шматлікіх практычных заняткаў, дыскусій і сведчанняў былі абмеркаваныя са спецыялістамі тэмы псіхалагічных асаблівасцяў перажывання паклікання ў розным узросце. Вялікім узбагачэннем для ўдзельнікаў была магчымасць непасрэдна паразмаўляць з вядучымі міжнародных праграм лінгвістычна-катэхетычных курсаў, а таксама сустрэча і дыскусія з місіянерам, які падзяліўся досведам перажывання веры і святарства ў місіянерскіх умовах.
Наступная фармацыйная сустрэча запланавана на 18-22 лютага 2019 г.
