Пошук


30.10.2018 11:32   Тэкст і фота: кс. Яўген Баланёў / Catholic.by

«Карнавал Святых» у парафіі Божага Цела ў Нясвіжы — новая цікавая падзея для дзяцей і моладзі, якая становіцца ўжо традыцыяй.

Падрыхтоўкай карнавалу займаюцца с. Яніна і с. Галіна. Дзеці і моладзь абіраюць святых, жыццё якіх натхняе, і з дапамогай бацькоў робяць сабе касцюм святога.

Некаторым больш падабаюцца ўсім вядомыя св. Францішак і св. Антоній, св. Агнешка, св. Барбара, св. Фаўстына. Іншым — магчыма, не такія вядомыя, але якія з’яўляюцца іх апекунамі, як, напрыклад, св. Станіслаў Костка.

Некаторыя абіраюць святых, якія сваё духоўнае жыццё правялі ў кляштары ў малітве і пакаянні: св. Тэрэзу ад Дзіцяткі Езуса, якая стала апякункай місій. Яшчэ камусьці даспадобы вобраз святых, якія абаранялі веру з мячом у руках, як Жанна д’Арк.

Канешне, былі дзяўчынкі ў вобразе Найсвяцейшай Панны Марыі. Кожны падрыхтаваў кароткую гісторыю з жыцця святога, у касцюме якога ён прыйшоў на карнавал, што сёлета супаў з пачаткам восеньскіх канікул у дзяцей.

Законныя сёстры падрыхтавалі для дзяцей і моладзі разнастайныя конкурсы з уручэннем падарункаў. Дзеці гулялі, танчылі і спявалі, а таксама адказвалі на пытанні сясцёр у конкурсах. Бацькі, у сваю чаргу, рыхтавалі для ўдзельнікаў вячэру і слодычы.

Карнавал прайшоў у парафіі перад урачыстасцю Усіх Святых, якую Паўсюдны Касцёл адзначае 1 лістапада.

Абноўлена 30.10.2018 12:12
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця