9 студзеня ў парафіі святога Яна Евангеліста і святога Максіміляна Марыі Кольбэ гурт Jolly Green выступіў перад парафіянамі з каляднай праграмай Silent Night («Ціхая ноч»).
Як паведамляецца на парафіяльным сайце Jan.by, у праграме прагучалі ангельскія, французскія, ірландскія і славянскія калядныя песні, а таксама бадзёра-лірычныя ірландскія і шатландскія мелодыі.
Музыкі гурта Jolly Green — Аляксандр і Анжаліка Ламавыя, Павал Саракалетаў, Алена Амосава — людзі, якія захапляюцца ірландскай і шатландскай традыцыйнай музыкай, гісторыяй і культурай.
Калядны канцэрт стаў ужо трэцім выступленне гурта ў маладой сталічнай парафіі.
Музыкі парадавалі сабраных граннем на гармоніку, дудачцы, флейце, скрыпцы, сінтэзатары, гітары і мандаліне, а таксама прыгожымі спевамі. Напрыканцы выступлення вікарый парафіі ксёндз Уладзімір Марушэўскі ад імя парафіянаў падзякаваў музыкам за ініцыятыву выступіць з калядкамі, сабранымі з розных краін і розных эпох.
