З 2 па 5 жніўня ў Івянцы праходзіла VIІІ Парафіяда дзяцей і моладзі Мінска-Магілёўскай архідыяцэзіі.
У парафіядзе бралі ўдзел 80 юнакоў і дзяўчат, якія прадстаўлялі каманды з шасці парафій архідыяцэзіі: парафіі Божага Цела з Беразінскага, парафіі Узвышэння Святога Крыжа з Вілейкі, парафіі святой Ганны з Дзяржынска, парафіі св. Арханёла Міхала з Івянца, парафіі св. Юзафа з Маладзечна, парафіі Найсвяцейшай Тройцы (святога Роха) на Залатой Горцы з Мінска.
Па агульных выніках спаборніцтваў і конкурсаў месцы ў парафіядзе размеркаваліся наступным чынам:
- парафія Божага Цела з Беразінскага;
- парафія Узвышэння Святога Крыжа з Вілейкі;
- парафія Найсвяцейшай Тройцы (святога Роха) на Залатой Горцы з Мінска.
Калі адкрываў парафіяду арцыбіскуп Тадэвуш Кандрусевіч, дык заключная св. Імша і ўзнагароджанне пераможцаў прайшлі пад кіраўніцтвам Генеральнага вікарыя Мінска-Магілёўскай архідыяцэзіі біскупа Юрыя Касабуцкага.
Як зазначыў для Catholic.by адказны за правядзенне парафіяды Мінска-Магілёўскай архідыяцэзіі кс. Павел Беразун, «прайграў тут толькі той, хто не ўдзельнічаў».
