23 чэрвеня ў архікатэдральным касцёле Імя Найсвяцейшай Панны Марыі ў Мінску адбылося ўручэнне дыпломаў выпускнікам Мінскага тэалагічнага каледжа імя св. Яна Хрысціцеля.
Дыпломы сёлетнім выпускнікам арцыбіскуп Тадэвуш Кандрусевіч уручыў адразу ж пасля св. Імшы, падчас якой былі ўдзелены прэзбітэрскія пасвячэнні Андрэю Бураку і Яўгену Баланёву. Пасля летніх канікул каледж запрашае абітурыентаў на новы навучальны год.
