Дыякан Канстанцін Гушча, які належыць да супольнасці айцоў марыянаў, 16 чэрвеня прыняў прэзбітэрскае пасвячэнне.
Урачыстасць, якую ўзначаліў біскуп Віцебскі Алег Буткевіч, прайшла ў парафіі Маці Божай Фацімскай у Жодзіне. Падтрымаць дыякана Канстанціна ў гэты дзень прыбылі святары і кансэкраваныя асобы з прылеглых марыянскіх парафій, а таксама родныя і блізкія.
Духоўную фармацыю новапрэзбітэр праходзіў у семінарыі ў Любліне (Польшча).
