Пошук
29.05.2018 11:16   Catholic.by
фота katolik.life

26 мая дзясяткі хлопцаў і дзяўчат з усёй дыяцэзіі сабраліся ў Пінску з нагоды традыцыйнага дня моладзі.

Сёлета праграма дыяцэзіяльнай сустрэчы была вельмі насычанай. Распачалася яна супольным Вяночкам да Божай Міласэрнасці і праслаўленнем Бога ў духу Тэзэ.

Тэрыторыя духоўнай семінарыі і пінскай катэдры была падзелена на некалькі зон. Удзельнікі малітоўнай сустрэчы маглі засяродзіцца на духоўных разважаннях, пагуляць у футбол, вывучыць новыя танцы ці проста пагуляць на свежым паветры.

Прыхільнікі музычнай творчасці ўзялі ўдзел у адмысловым майстар-класе, а скаўты з мозырскай парафіі зладзілі для гасцей адмысловы квэст. Таксама дзейнічала і фотазона.

Цэнтральным пунктам праграмы стала святая Імша ў пінскім катэдральным касцёле Унебаўзяцця Найсвяцейшай Панны Марыі. У сваёй гаміліі біскуп Пінскі Антоні Дзям’янка засяродзіў увагу моладзі на таямніцы Найсвяцейшай Тройцы.

Пасля супольнай Эўхарыстыі гасцей сустрэчы чакаў святочны канцэрт, у якім выступілі семінарыйны гурт «Подых Духа», калектыў Veni з Навагрудка і The Crossway з Баранавічаў.

   
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа