Пошук


29.05.2018 12:42   Тэкст: с. Алена Міхалковіч MSF / Фота: бр. Корнэль Консэк SVD / Catholic.by

23 мая ў Баранавічах прайшоў Першы адкрыты фестываль «Вясёлка талентаў», арганізаваны Супольнасцю сясцёр місіянерак Святой Сям’і для дзяцей з асаблівасцямі псіхафізічнага развіцця. Удзел у фестывалі бралі ўстановы Баранавічаў і Баранавіцкага раёна, якія займаюцца выхаваннем дзяцей-інвалідаў.

На працягу амаль дзвюх гадзін дзеці дзяліліся сваімі талентамі ў розных жанрах: вакал, харэаграфія, мастацкае слова, інструментальны жанр. Кожны ўдзельнік атрымаў памятны дыплом, медаль і падарунак.

       

Акрамя таго, былі вызначаны тры найбольш адметныя выступленні. Журы асаблівым чынам адзначыла выступленні танцавальнага гурта «Фантазёры» выхаванцаў дома-інтэрната з в. Гарадзішча, Кацярыны Рэшатко з Тэрытарыяльнага цэнтра сацыяльнага абслугоўвання насельніцтва г. Баранавічы і Аляксандра Макарэвіча з Тэрытарыяльнага цэнтра сацыяльнага абслугоўвання насельніцтва Баранавіцкага раёна. Намінаваныя ўдзельнікі атрымалі дыпломы і падарункі.

Арганізатары лічаць, што фестываль «Вясёлка талентаў» стаў пацвярджэннем неабходнасці творчай працы з дзецьмі з асаблівасцямі псіхафізічнага развіцця, дапамог звярнуць увагу грамадскасці на праблему адносін да інвалідаў, падарыць надзею ўсім, хто прысвячае сябе працы з найбольш патрабуючымі.

На іх думку, фестываль таксама паказаў, што дзеці з асаблівасцямі псіхафізічнага развіцця з’яўляюцца каштоўнасцю для ўсяго грамадства, дзякуючы якой людзі вучацца цаніць тое, што атрымалі ад Бога.

   

 

Абноўлена 29.05.2018 12:45
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.