19 мая падчас урачыстасцей у гонар святога Андрэя Баболі, галоўнага апекуна Пінскай дыяцэзіі, адбылася прэзентацыя першага нумара навуковага тэалагічнага часопіса Studia Aquinalia, які пачаў выдавацца пры духоўнай семінарыі імя св. Тамаша Аквінскага ў Пінску.
Падчас прэзентацыі рэктар семінарыі кс. Андрэй Рылка выказаў падзяку кіраўніцтву рэдакцыйнай калегіі часопіса на чале з ксяндзом Адамам Дынакам, віцэ-рэктарам семінарыі, і ксяндзом Юрыем Драздом, дырэктарам Катэхетычнага каледжа ў Баранавічах.
Выданне першага нумара часопіса стала магчымым дзякуючы працы выдавецтва Пінскай дыяцэзіі пад кіраўніцтвам а. Пятра Бялевіча OMI і Вольгі Якіменка.
Studia Aquinalia — навуковы і тэалагічна-філасофскі часопіс, які будзе выдавацца раз на год.
Першы экземпляр новага навуковага часопіса рэктар семінарыі ўручыў біскупу Пінскаму Антонію Дзям’янку.
