Пошук


08.01.2018 11:10   Яраслаў Леўшуноў / Catholic.by

З 3 па 5 студзеня пры Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску праходзіла фармацыйная сустрэча міністрантаў і юнакоў, якія разважаюць над сваім пакліканнем, з розных куткоў Пінскай дыяцэзіі і Мінска-Магілёўскай архідыяцэзіі. Сустрэчу праводзіў кс. Павел Рудзьман, адказны за душпастырства моладзі і пакліканняў Пінскай дыяцэзіі.

Сустрэча пачалася са святой Імшы ў катэдральнай базыліцы. Праграма была вельмі насычанай. Міністранты практыкаваліся ў службе пры алтары, мелі духоўныя, літургічныя і катэхетычныя заняткі. Паміж гэтым хлопцы паспаборнічалі ў футболе і настольным тэнісе.

Галоўнае месца ў семінарыі – капліца, дзе супольнасць фарматараў і навучэнцаў збіраeцца на малітвы і набажэнствы. Юнакі таксама мелі магчымасць пранікнуцца духам супольнай Эўхарыстыі ў семінарыйнай капліцы, удзельнічаючы ў святых Імшах і адарацыі Найсвяцейшага Сакрамэнту.

Удзел у сустрэчы прыняў і біскуп Пінскі Антоні Дзям'янка. Іерарх падзяліўся з юнакамі аплаткай, узначаліў для іх Імшу і заахвоціў маліцца аб пакліканнях да Божай службы.

Сустрэча дапамагла ўдзельнікам паглыбіць духоўнасць, спазнаць адказнасць, якую міністранты нясуць пры служэнні каля алтара, а таксама падзяліцца новымі ўражаннямі і вопытам.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця