Дарагія чытачы!
Надыходзіць новы год, час надзей і новых планаў. Знаходзячыся на парозе чарговага этапа нашага жыцця, мы адначасова адчуваем хваляванне і надзею на тое, што наступны год будзе лепшым, чым папярэдні.
У 2018 годзе жадаем сілы духа, трываласці ў веры і ўсведамлення таго, што Бог змагаецца за святасць і шчасце кожнага чалавека. Хрыстус для кожнага нарадзіўся, за кожнага памёр і ўваскрос, і прагне напоўніць сабою жыццё кожнага чалавека. Дазволім жа сабе ў наступным годзе яшчэ больш наблізіцца да Божага Сына!
