Курыя Мінска-Магілёўскай архідыяцэзіі ўдакладняе інфармацыю, распаўсюджаную ў апошнія дні некаторымі інтэрнэт-выданнямі, наконт умоў выкарыстання будынка касцёла святых Сымона і Алены (Чырвоны касцёл) у Мінску.
15 снежня ў Доме прэсы адбылася прэс-канферэнцыя на тэму «Традыцыі святкавання свята Божага Нараджэння ў беларускіх сем'ях», у якой прыняў удзел арцыбіскуп Тадэвуш Кандрусевіч, Мітрапаліт Мінска-Магілёўскі. Падчас прэс-канферэнцыі была закранута тэма рамонту касцёла святых Сымона і Алены (Чырвоны касцёл) у Мінску. Беручы пад увагу інфармацыю, распаўсюджаную ў апошнія дні некаторымі інтэрнэт-выданнямі, курыя Мінска-Магілёўскай архідыяцэзіі ўдакладняе, што будынак касцёла святых Сымона і Алены з'яўляецца ўласнасцю дзяржавы і перададзены Мінска-Магілёўскай архідыяцэзіі ў бестэрміновую бясплатную арэнду.
