12 снежня ў Дзяржаўным музеі гісторыі Вялікай Айчыннай вайны пры падтрымцы пасольства Рэспублікі Польшча адкрылася выстаўка «Святы Крыж супраць свастыкі. Каталіцкі Касцёл і Праваслаўная Царква ў барацьбе з нацызмам».
У цырымоніі адкрыцця прынялі ўдзел Мітрапаліт Мінска-Магілёўскі арцыбіскуп Тадэвуш Кандрусевіч і пасол Польшчы ў Беларусі Конрад Паўлік.
Экспазіцыя ўяўляе сабой інфармацыйныя стэнды, якія распавядаюць пра жыццё і змаганне вернікаў і духавенства Каталіцкага Касцёла і Праваслаўнай Царквы ў Беларусі падчас Другой сусветнай вайны.
У прыватнасці, адзін са стэндаў расказвае пра назарэтанак мучаніц з Навагрудка і марыянаў Юрыя Кашыру і Антонія Ляшчэвіча з Росіцы.
