12 лістапада ў парафіі Маці Божай з гары Кармэль у Палонцы прайшла прыміцыйная святая Імша новапасвячанага прэзбітэра Андрэя Багдановіча.
У гэты святочны дзень у касцёле Маці Божай з гары Кармэль сабраліся шматлікія госці: бацькі і родныя, мясцовыя вернікі, сябры і знаёмыя новапрэзбітэра, шматлікія святары з розных дыяцэзій і навучэнцы семінарыі ў Пінску.
Гамілію падчас Імшы прамовіў кс. Тадэвуш Саморэк, пробашч светлагорскай парафіі. На заканчэнне набажэнства новапасвячаны кс. Андрэй Багдановіч падзякаваў тым, каго сустрэў на няпростым шляху да святарства, і ўдзяліў прыміцыйнае благаслаўленне.
Прэзбітэрскае пасвячэнне выпускнік Міждыяцэзіяльнай вышэйшай духоўнай семінарыі св. Тамаша Аквінскага ў Пінску Андрэй Багдановіч атрымаў з рук біскупа пінскага Антонія Дзям’янкі напярэдадні, 11 лістапада, у пінскай катэдры.
