21 верасня пры парафіі Святога Міхала Арханёла ў Навагрудку біскуп Аляксандр Кашкевіч асвяціў памяшканне парафіяльнай бібліятэкі.
Базісны фонд рэлігійнай літаратуры пры парафіі ў Навагрудку быў сфармаваны дзякуючы бібліятэцы Вышэйшай духоўнай семінарыі ў Гродне, баранавіцкаму Катэхетычнаму каледжу імя Зыгмунта Лазінскага, а таксама прыватным асобам.
Як адзначаюць ініцыятары адкрыцця парафіяльнай бібліятэкі, галоўная мэта яе заснавання — заахвоціць вернікаў да паглыблення асноваў каталіцкай веры праз чытанне.
У гэты ж дзень ардынарый Гродзенскай дыяцэзіі асвяціў памяшканне, дзе будзе знаходзіцца парафіяльная канцылярыя і сямейная кансультацыя. У кансультацыі можна будзе звярнуцца да хрысціянскага псіхолага.
