26 жніўня падчас фэсту святога Барталамея адзначалася 570-годдзе існавання парафіі Унебаўзяцця Найсвяцейшай Панны Марыі ў аг. Налібокі. На ўрачыстасць прыбыў дапаможны біскуп Мінска-Магілёўскай архідыяцэзіі Аляксандр Яшэўскі SDB.
Іерарх асвяціў Кальварыю на могілках, якая ўключае 20 каплічак з таямніцамі Ружанца.
Ва ўрачыстасці прынялі ўдзел таксама кс. дэкан Уладзіслаў Каспяровіч, кс. доктар Генадзь Акалатовіч, кс. Аляксандр Багдановіч, кс. Алег Шпець, прадстаўнікі раённых уладаў, старшыня Налібоцкага сельскага выканаўчага камітэта Аляксандр Пілінкевіч і вернікі суседніх парафій.
