10 жніўня ў Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску прайшоў другі тур уступнага экзамена.
Па выніках экзамена на першы курс навучання былі залічаны яшчэ тры юнакі: два з Пінскай дыяцэзіі (з парафіі Узвышэння Святога Крыжа ў Баранавічах і парафіі Перамянення Пана ў Новай Мышы), а таксама адзін з Віцебскай дыяцэзіі (з парафіі Святога Духа ў Віцебску).
Такім чынам, па выніках першага і другога тура экзаменаў на першы курс семінарыі ў Пінску сёлета залічана восем кандыдатаў: пяцёра з Пінскай дыяцэзіі, два з Мінска-Магілёўскай архідыяцэзіі і адзін з Віцебскай дыяцэзіі.
Супольнасць Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску сардэчна дзякуе ўсім, хто не перастае маліцца аб пакліканнях і за пакліканых да Божай службы, і просіць надалей спадарожнічаць у малітве кандыдатам да святарства.
