Пошук

05.08.2017 08:20   Catholic.by
Фота: Agência Brasil

У Беларусі на грамадскае абмеркаванне вынесены праект Нацыянальнага плана дзеянняў па паляпшэнні становішча дзяцей і ахове іх правоў на 2017-2021 гады.

Праект падрыхтаваны Міністэрствам адукацыі Беларусі. Пра гэта паведамляе Нацыянальны цэнтр прававой інфармацыі.

Гэта чацвёрты праграмны дакумент, які будзе спрыяць выкананню краінай узятых на сябе міжнародных абавязацельстваў у галіне забеспячэння абароны правоў і законных інтарэсаў дзіцяці, уключаючы ўдасканальванне заканадаўства і правапрымяняльнай практыкі.

У Расіі падобнае абмеркаванне выклікала рэзананс у сувязі з прынятай еўрапейскай Стрэтэгіяй па забеспячэнні правоў дзіцяці Савета Еўропы на 2016-2021 гг., у якой вялікая ўвага надаецца ЛГБТ-тэматыцы.

Мэта Нацыянальнага плана ў развіцці ключавых механізмаў рэалізацыі дзяржпалітыкі ў інтарэсах дзяцей у розных сферах жыццядзейнасці грамадства.

Заўвагі і прапановы па праекце можна выказваць на Прававым форуме Беларусі, а таксама накіраваць распрацоўшчыку праекта да 7 жніўня 2017 г. на электронны адрас usvir@minedu.unibel.by з пазнакай «Аб падрыхтоўцы праекта Нацыянальнага плана дзеянняў па паляпшэнні становішча дзяцей і ахове іх правоў на 2017–2021 гады».

Абноўлена 05.08.2017 08:26
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця