Пошук


02.08.2017 10:47   Тэкст: svjazep.org / Catholic.by

6 жніўня будзе адзначацца 500-годдзе перакладу і выдання беларускай Бібліі. З гэтай нагоды 1 жніўня ў Рыме ў Генеральным архіве кангрэгацыі марыянаў прайшла другая сесія Міжнароднай Кансультацыі па духоўнай спадчыне Францішка Скарыны.

Першая сесія прайшла 27 чэрвеня і была прысвечана абмеркаванню вынікаў Міжнароднага навуковага форуму «Францішак Скарына і яго духоўная спадчына», што праходзіла ў Віцебску 23 чэрвеня.

Падчас другой сесіі абмяркоўвалася навуковая дзейнасць і духоўная спадчына беларускага грэка-каталіцкага біскупа Чэслава Сіповіча, які 50 гадоў таму, у кантэксце святкавання 450-годдзя скарынаўскай Бібліі, намагаўся пазнаёміць навуковае асяроддзе Рыма з «біблійнай скарынаўскай справай». На 4 жніўня прыпадае 57-я гадавіна біскупскай хіратаніі Уладыкі Чэслава Сіповіча.

Абедзве сесіі ўзначальвалі Генеральны архіварыўс Генеральнага архіва кангрэгацыі марыянаў Вальдэмар Карпук і архімандрыт Сяргей Гаек. Каштоўным стаў удзел у форуме доктара Антоніа Калізі з Бары, які з’яўляецца выканаўчым сакратаром даследчай платформы Senergeia pro Oriente Christiano, і прафесара Джузэпэ Мунарыні з Падуі, вядомага знаўцы хрысціянскага Усходу.

З дапамогай інтэрнэту ў форуме ўдзельнічалі таксама навукоўцы і душпастыры з Італіі, Польшчы, Чэхіі, Бразіліі, Украіны, Расіі.

Абноўлена 02.08.2017 11:01
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.