Пошук



У Верхнядзвінскім раёне, што на Віцебшчыне, знаходзіцца вёска Росіца, якую мясцовыя жыхары і людзі з наваколля называюць Расіцай. Вядучы праграмы «Падарожжа дылетанта» Юрый Жыгамонт у выпуску, прысвечаным гэтай вёсцы, распавядае яе гісторыю, якая пазначана вялікай трагедыяй, што адбылася ў часы Другой сусветнай вайны.

Гэтая «страшная падзея», як яе назваў вядучы праграмы, адбылася ў мясцовым касцёле, дзе карнікі марознай зімою 1943 года некалькі дзён трымалі мясцовых жыхароў. Разам з людзьмі ў святыні знаходзіліся два святары — сёння благаслаўленыя росіцкія мучанікі Юрый Кашыра і Антоні Ляшчэвіч, — якія падтрымлівалі людзей Божым словам і спавядалі іх.

Юрый Жыгамонт прыводзіць таксама цікавыя факты пра тое, што ў пачатку ХХ ст. парафія ў Росіцы была самай шматлікай на Віцебшчыне — у ёй налічвалася каля 8 тысяч парафіянаў.


Цікавы таксама факт, хоць і звязаны з невясёлай падзеяй, што разбурыць касцёл бальшавікам не ўдалося — вежы знеслі, а будынак быў настолькі моцны, што «сіл не хапіла». Цікава і тое, што так якасна пабудавалі касцёл самі мясцовыя людзі пад кіраўніцтвам уладара Росіцы Станіслава Лапацінскага.

Валянціна Грамыка

Абноўлена 05.06.2017 13:40
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа