Пошук



Падчас пастырскай сустрэчы для духавенства і кансэкраваных асобаў, якая адбылася 27 верасня ў Мёрах, стала вядома, што ў Віцебскай дыяцэзіі распачынае дзейнасць рух Апостальства дапамогі душам чыстцовым (АДДЧ).

АДДЧ — форма апостальства Кангрэгацыі сясцёр памочніцаў душам чыстцовым, якую заснаваў бл. Ганарат Казьмінскі і маці Ванда Алендская ў 1889 годзе ў Закрочыме (Польшча). Апостальства ўзнікла як адказ на шматлікія просьбы, якія скіроўвалі да сясцёр Кангрэгацыі свецкія людзі.

Абавязкі сяброў АДДЧ:

  • памятаючы пра сваё пакліканне да святасці, рэгулярна прыступаць да святых сакрамэнтаў, чытаць Святое Пісанне, весці малітоўнае жыццё, праяўляць дзейсную любоў да бліжняга;
  • дапамагаць душам памерлых, якія знаходзяцца ў чыстцы, праз штодзённую адвольную малітву за памерлых, ахвяраванне ў інтэнцыі памерлых штодзённай працы і цяжкасцяў, добрых учынкаў, адпустаў; праз замаўленне (па меры магчымасці) святых Імшаў за памерлых або прынамсі ахвяраванне за іх свайго ўдзелу ў Эўхарыстыі;
  • чытаць «Акт штодзённага ахвяравання», праз прамаўленне якога ўдзельнік руху яднаецца з іншымі яго сябрамі;
  • клапаціцца пра развіццё руху праз заахвочванне да ўдзелу ў ім іншых.

Адказным за дзейнасць і развіццё АДДЧ у Віцебскай дыяцэзіі прызначаны а. Лукаш Красінскі SDS.

З далучэннем Віцебскай дыяцэзіі да АДДЧ справа Апостальства распаўсюдзілася па ўсёй Беларусі.

Больш падрабязна пра дзейнасць Апостальства, а таксама кантакты з адказнымі ў кожнай дыяцэзіі — на сайце руху: apostalstva.by.


Валянціна Грамыка

Абноўлена 05.06.2017 13:40
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа