Пошук

04.08.2016 11:41  

У парафіі Узвышэння Святога Крыжа ва Уздзе адбыўся рэкалецыйны курс «Тобій і Сара», які арганізавалі айцы місіянеры Святой Сям’і. У рэкалекцыях, якія прайшлі 29-30 ліпеня, прынялі ўдзел 11 сужэнскіх пар з розных куткоў Беларусі.

Час рэкалекцый быў вельмі насычаным: знаёмства з сем’ямі, цікавыя тэмы і заданні, танцы, спевы, сведчанні сем’яў і святая Імша. Падчас Імшы адбывалася аднаўленне сужэснкіх абяцанняў: жанчыны былі ў прыбраных сукенках, а мужчыны ў кашулях з чырвонымі гладыёлусамі ў руках. Уражваючым для ўдзельнікаў было сведчанне госці з Польшчы пані Ганны, а таксама малітва да Духа Святога, якую над кожнай сям’ёй праводзілі святары разам са свецкімі асобамі.



Па выніках курсу было шмат водгукаў сужэнцаў, якія казалі, што яшчэ больш зразумелі, як важна прабачаць і размаўляць у сям’і і як моцна яны кахаюць адно аднаго.  

«Дзякуем Богу за такую магчымасць, а таксама дзякуем ініцыятарам: айцу Дзянісу Шастаковічу MSF, айцу Адаму MSF, айцу Сяргею MSF, Ганне, Ірыне і Пятру, усім сем’ям за цёплую і сяброўскую атмасферу. Можам шчыра казаць, што варта быць на такіх рэкалекцыях і розных хрысціянскіх сустрэчах. Хвала Пану!» — дзеляцца з Catholic.by Таццяна і Мікалай Меляшкевічы.

(AG)


Абноўлена 05.06.2017 13:40
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.