З 31 ліпеня па 1 жніўня ў Батароўскім лесе і санктуарыі благаслаўлёных назарэтанак мучаніц у Навагрудку (Гродзенская дыяцэзія), якія былі расстраляныя ў часы Другой сусветнай вайны, пройдзе начное малітоўнае чуванне і святыя Імшы. З гэтай нагоды ў Навагрудак вырушаць дзве пешыя пілігрымкі.
Пешая пілігрымка Ліда — Навагрудак
Пілігрымка выйдзе 30 ліпеня з лідскай парафіі святога Юзафа Рамесніка і благаслаўлёных назарэтанак-мучаніц (вул. генерала Бяды, 71), завершыцца 31 ліпеня на месцы расстрэлу назарэтанак (Батароўскі лес).
Запіс па тэлефоне:
+375 (29) 781 73 51 — ксёндз Артур
Пешая пілігрымка Новая Мыш — Навагрудак
Пілігрымка распачнецца 29 ліпеня святой Імшой у 8.00 у парафіяльным касцёле Перамянення Пана ў Новай Мышы (Пінская дыяцэзія, Навамышскі дэканат), завершыцца 31 ліпеня на месцы расстрэлу назарэтанак (Батароўскі лес).
Абавязковы запіс і падрабязная інфармацыя па тэлефоне:
+375 (29) 809 30 95 — ксёндз Павел
