У Міжнародны дзень сям'і, які быў устаноўлены Генеральнай Асамблеяй ААН у 1993 годзе і адзначаецца 15 мая, Старшыня Канферэнцыі Каталіцкіх Біскупаў у Беларусі арцыбіскуп Юзаф Станеўскі, Мітрапаліт Мінска-Магілёўскі, кіруе свае віншаванні.
Дарагія браты і сёстры, умілаваныя сем'і!
Ад усяго сэрца віншую вас з Міжнародным днём сям'і!
Сям'я — гэта вялікі дар Божы. Гэта хатні Касцёл, дзе нараджаецца любоў. Тут мы вучымся прабачаць, дапамагаць і маліцца.
Сям'я — гэта падмурак грамадства, залог яго дабрабыту і духоўнага здароўя. У сямейным коле чалавек, акружаны клопатам родных, пачынае пазнаваць навакольны свет, атрымлівае маральнае выхаванне і адукацыю. Сапраўдная сіла грамадства — у моцнай сям'і. Касцёл і дзяржава — гэта сям’я сем’яў.
Жадаю ўсім сем’ям нашай Бацькаўшчыны і кожнаму з нас духоўнага спакою і паўнаты фізічных сіл. Няхай Святая Сям'я з Назарэта будзе вам прыкладам і дапамогай. Малітвамі Найсвяцейшай Багародзіцы, Каралевы сем’яў, няхай Пан Бог захавае нашу краіну і наш народ ва ўсякай пабожнасці і годнасці (гл. 1 Цім 2, 2).
З дарам малітвы
✠ Арцыбіскуп Юзаф Станеўскі
Мітрапаліт Мінска-Магілёўскі
Старшыня Канферэнцыі Каталіцкіх Біскупаў Беларусі
