2 мая ў Нацыянальным санктуарыі Маці Божай у Будславе, а таксама ў парафіях Мінска-Магілёўскай архідыяцэзіі пройдуць набажэнствы ў восьмы дзень Агульнабеларускай навэнны, дзякуючы якой Касцёл у Беларусі рыхтуецца да прысвячэння Мінска-Магілёўскай мітраполіі Найдаражэйшай Крыві Пана нашага Езуса Хрыста і якая з’яўляецца выразам удзячнасці Богу за 35 гадоў аднаўлення структураў Каталіцкага Касцёла ў Беларусі.
Нагадаем, што з распараджэння арцыбіскупа Юзафа Станеўскага, Мітрапаліта Мінска-Магілёўскага, Старшыні Канферэнцыі Каталіцкіх Біскупаў Беларусіпа ініцыятыве Мінска-Магілёўскай архідыяцэзіі з 4 кастрычніка 2025 года па 6 чэрвеня 2026 года ў галоўным беларускім марыйным санктуарыі і ў парафіях Мінска-Магілёўскай архідыяцэзіі адбываецца Агульнабеларуская навэнна «Найдаражэйшая Кроў Хрыста, умацуй нас!»
— тлумачыць мэту правядзення Навэнны арцыбіскуп Юзаф Станеўскі.
Асноўным днём, прызначаным для супольнай цэлебрацыі Эўхарыстыі і набажэнства, прысвечанага Найдаражэйшай Крыві Хрыста, з’яўляецца кожная першая субота месяца на працягу ўсяго перыяду падрыхтоўкі да ўрачыстасці ў Нацыянальным санктуарыі ў Будславе, якая адбудзецца 4 ліпеня 2026 года. Першая субота красавіка выпала на Святы Пасхальны Трыдуум, таму набажэнства было перанесена на адзін тыдзень пазней.
Заклік навэнны на май 2026 года: «Кроў Хрыста, моц веравызнаўцаў, — выбаў нас».
Інтэнцыя: Аб благаслаўленні і развіцці для ўсіх касцёльных супольнасцяў (парафій), рэлігійных рухаў, каб іх дзейнасць і сведчанне паспрыялі навяртанню грэшнікаў, паглыбленню веры і любові ў нашай краіне.
Чытаецца першая частка Ружанца Радасныя таямніцы, ці на выбар.
Разам з восьмым днём Навэнны 2 мая ў будслаўскім марыйным санктуарыі будзе праходзіць Агульнабеларуская сустрэча касцёльных рухаў і супольнасцяў.
Адказнымі за правядзенне сёмага дня навэнны ў Будславе і сустрэчы рухаў і супольнасцяў вызначаны рэлігійныя рухі, сястра Марцэліна Мігач ISSM, Людміла Платава.
Праграма сустрэчы
- 10.30 — прыезд і прывітанне пілігрымаў;
- 11.00 — Фацімскі Ружанец і маёвае набажэнства;
- 12.00 — святая Імша (цэлебрацыю ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі);
- 13.15-13.45 — абед (арганізуюць самі пілігрымы);
- 13.45 — канферэнцыя на тэму «Думкі Рымскіх папаў пра касцёльныя рухі і супольнасці» (адказны мансеньёр Кшыштаф Сэрока);
- 14.30 — прэзентацыя руху «Маці ў малітве» і руху «Святло-Жыццё»;
- 14.50 — выстаўленне Найсвяцейшага Сакрамэнту, Вяночак да Божай Мiласэрнасцi;
- 15.15 — Канферэнцыя «Год святога Францішка», айцец Стэфан Пупейка OFM
- 15.40 — малітва рухаў і супольнасцяў Беларусі да Найдаражэйшай Крыві Пана нашага Езуса Хрыста, благаслаўленне Найсвяцейшым Сакрамэнтам;
- 16.00 — благаслаўленне вады і набытых рэлігійных рэчаў, слова біскупа Юрыя Касабуцкага i заканчэнне сустрэчы.
Тэксты набажэнстваў на паасобныя першыя суботы, падрыхтаваныя выдавецтвам «Про Хрысто», будуць змяшчацца ў часопісе «Ave Maria», а таксама на інтэрнэт-старонках: сatholic.by, catholicminsk.by, ave-maria.by. Таксама ў выдавецтве выйшла кніжка з тэкстамі навэнны «Найдаражэйшая Кроў Хрыста, умацуй нас!».
Тэксты для друку
- Набажэнства на 2 мая 2026 года ў фармаце .DOC>>> і .PDF>>>.
- Парадак Навэнны і План наведвання Нацыянальнага санктуарыя Марыі ў Будславе і правядзення набажэнстваў у парафіях у фармаце .DOC>>> і .PDF>>>.
- Ружанец перапрашэння Беззаганнага Сэрца Марыі ў рамках Навэнны у фармаце .DOC>>> і .PDF>>>.
- Разважанні на кожны дзень Навэнны у фармаце .DOC>>> і .PDF>>>.
