Фота з адкрытых крыніц
На падставе канону 1538 § 1 Кодэксу Канонаў Усходніх Касцёлаў Апостальскі адміністратар для грэка-католікаў у Беларусі архімандрыт Сяргей Гаек удзяляе дыспенсацыю ад абавязку ўстрымання ад спажывання мясных страваў вернікам грэка-католікам на тэрыторыі ўсёй Беларусі, старэйшым за 14 гадоў, у пятніцы 1 і 8 мая 2026 года.
У гэтыя дні ў грэка-каталіцкіх парафіях і супольнасцях праходзяць духоўныя праграмы і святкаванні.
Вернікі, якія будуць карыстацца гэтай дыспенсацыяй, павінны памаліцца ў інтэнцыях Святога Айца.
Рэкамендуецца Акафіст Найсвяцейшай Багародзіцы або Акафіст перад Жыровіцкай іконай Маці Божай.
