У панядзелак 22 верасня ў Рэкалекцыйным доме Caritas у Сапоцкіне (Гродзенская дыяцэзія) распачаліся адмысловыя рэкалекцыі для біскупаў.
Духоўныя практыкаванні праводзіць ксёндз канонік доктар Віктар Гайдукевіч SDB.
Гэта ўжо другія рэкалекцыі для іерархаў Беларусі. Летась упершыню такія рэкалекцыі прайшлі з 5 па 7 лістапада ў Пінску ў будынку былой Міждыяцэзіяльнай вышэйшай духоўнай семінарыі імя святога Тамаша Аквінскага. Іх духоўным кіраўніком быў дапаможны біскуп архідыяцэзіі Маці Божай у Маскве (Расія) Мікалай Дубінін OFMConv.
