У новым нумары газеты «Слова жыцця» (№ 22 (643) 2024) апавядаецца пра тое, чым адметны перыяд Адвэнту, падаюцца ўмовы атрымання адпусту з нагоды 150-гадовага юбілею супольнасці сясцёр назарэтанак, а таксама тлумачыцца, чым карысны рахунак сумленне з псіхалагічнага і духоўнага пунктаў гледжання.
Зрабіць чыйсьці Адвэнт знакам надзеі. У матэрыяле звяртаецца ўвага на тое, што час напярэдадні святаў Божага Нараджэння асаблівы: сэрцы людзей адкрытыя на тое, каб чыніць дабро.
Папа дае поўны адпуст з нагоды юбілею сясцёр назарэтанак. У сувязі са 150-годдзем Кангрэгацыі Сясцёр Найсвяцейшай Сям’і з Назарэта Папа Францішак удзяліў асаблівую ласку юбілейнага адпусту.
Чаму карысна рабіць рахунак сумлення? Адказ на гэтае пытанне з пункту гледжання тэрапіі псіхічнага і духоўнага здароўя дае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 8 снежня ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах даступныя на сайце Grodnensis.by.
