3 снежня адзначаецца Міжнародны дзень людзей з інваліднасцю, і Каталіцкі Касцёл не застаецца ў баку.
Так, удзельнікі супольнасці «Самаранін» для дарослых і моладзі з абмежаванымі магчымасцямі здароўя, што дзейнічае пры Хрысціянскім сацыяльным цэнтры ў Мінску, наведалі выставу «Творы сэрцаў», адкрыццё якой адбылося 29 лістапада ў сталічным гандлёвым цэнтры «Першы».
Як паведамляецца на сайце дабрачыннай Місіі Добрага Самараніна Samaranin.by, правядзеннне гэтай незвычайнай выставы прымеркавана акурат да Дня людзей з інваліднасцю, які адзначаецца 3 снежня.
На выставе можна набыць вырабы ручной працы асобаў з асаблівасцямі, створаных у творчых гуртках і майстэрнях устаноў сацыяльнага абслугоўвання.
Гэтая падзея аб’яднала творцаў з усіх куткоў нашай краіны. Наведвальнікі Місіі Добрага Самараніна мелі магчымасць не толькі пазнаёміцца з вырабамі іншых асобаў, але і паўдзельнічаць у майстар-класах.
Пасля выставы ўдзельнікі супольнасці «Самаранін» прыемна правялі час пры гарбаце з салодкім пачастункам.
