Ксёндз канонік Юрый Ясевіч. Фота Аляксандры Шпілеўскай
На 93-м пленарным пасяджэнні Канферэнцыі Каталіцкіх Біскупаў у Беларусі, якое 8 лістапада прайшло ў Пінску, адбыўся перагляд функцый і заданняў камісій і рад пры ККББ.
Між іншым, быў прызначаны новы дапаможны сакратар і прэс-сакратар беларускага каталіцкага епіскапату.
Ім стаў ксёндз канонік Юрый Ясевіч, які змяніў на гэтай пасадзе ксяндза каноніка Юрыя Санько.
Акрамя таго, Камiсiю па справах душпастырства пакліканняў, фармацыi семiнарыстаў i святароў узначаліў біскуп Гродзенскі Уладзімір Гуляй, Камісію Божага Культу і Дысцыпліны Сакрамэнтаў Старшыня — біскуп Аляксандр Яшэўскi SDB, а Камісію па справах абароны малалетніх — біскуп Андрэй Зноска.
