У новым нумары газеты «Слова жыцця» (№ 20 (641) 2024) змешчана спецыяльнае інтэрв’ю з біскупам Уладзімірам Гуляем на пачатку яго пастырскага служэння ў Гродзенскай дыяцэзіі; публікуецца матэрыял, прысвечаны памяці памерлага ксяндза Андрэя Горбача, а таксама даюцца парады псіхолага ў складаных сітуацыях сямейнага жыцця.
Біскуп Гродзенскі: захоўваць традыцыі і адкрываць сэрцы для новых выклікаў. Афіцыйна распачынаючы служэнне ў якасці пастыра Гродзенскай дыяцэзіі, біскуп Уладзімір Гуляй даў спецыяльнае інтэрв’ю для «Слова Жыцця». У ім іерарх распавёў пра бачанне сваёй місіі і прыярытэты, якія выдзяляе ў душпастырскай праграме Касцёла на Гродзеншчыне.
Светлы душпастыр, чый шлях асвячала Любоў. На 51-м годзе жыцця адышоў у вечнасць ксёндз Андрэй Горбач, пробашч парафіі Узвышэння Святога Крыжа ў Астраўцы: «Мы верым, што ён быў залічаны да людзей святла ў вачах самога Бога…»
Чаму штодзённасць руйнуе сямейныя стасункі? Псіхолаг дае парады адносна таго, што рабіць, калі быт зацягвае, а пачуцці ў пары згасаюць.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 10 лістапада ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах даступныя на сайце Grodnensis.by.
