21 кастрычніка ў Хрысціянскім сацыяльным цэнтры ў Мінску дзеці і супрацоўнікі дабрачыннай місіі Добрага Самараніна пад апекай святой Уршулі Ледухоўскай павіншавалі арцыбіскупа эмэрыта Тадэвуша Кандрусевіча з 35-годдзем яго біскупскага служэння.
Як паведамляецца на сайце Місіі Добрага Самараніна Samaranin.by, ад імя ўсіх прысутных віншаванні заслужанаму іерарху выказала дырэктар Місіі сястра Часлава Навіцкая USJK. Яна ўзгадала часы, калі арцыбіскуп Кандрусевіч толькі быў прызначаны біскупам, і прынесла абразкі, якія атрымала з яго рук 35 гадоў таму. Яна падкрэсліла, наколькі важнай асобай ён з’яўляецца для беларускага Касцёла, а таксама падзякавала іерарху за малітву за нас.
«Дарагі арцыпастыр! Няхай малітва Божай Маці заўжды вас суправаджае. Дзякуй вам за ваша адданае служэнне Богу і людзям!» — сказала сястра Часлава арцыбіскупу Тадэвуша Кадрусевічу.
