Перад каранацыяй цудадзейнага абраза Маці Божай Барунскай, Суцяшальніцы засмучаных, якая адбылася 12 кастрычніка, грэка-каталіцкі гурт «Святло Усходу» стварыў спеў «Маці Божая ў Барунах».
Як адзначаюць аўтары твора, Баруны — невялікае мястэчка на Ашмяншчыне — гэта асаблівае месца для грэка-католікаў. Першапачаткова тут быў уніяцкі кляштар, а сама ікона таксама спачатку належала базыльянскаму манаху.
Ва ўрачыстасці каранацыі абраза бралі ўдзел грэка-каталіцкія вернікі і духавенства на чале з Апостальскім адміністратарам для грэка-католікаў у Беларусі архімандрытам Сяргеем Гаекам.
