У новым нумары газеты «Слова жыцця» (№ 17 (638) 2024), які выйшаў у свет у свята святых арханёлаў Міхала, Габрыэля і Рафала, апавядаецца пра святыні Гродзенскай дыяцэзіі пад тытулам Князя нябесных войскаў, святкаванне 75-годдзя біскупа Аляксандра Кашкевіча і пра тое, як важна ведаць сваой радавод.
Святы Міхале Арханёле, будзь нам абаронаю! У гонар Князя нябесных войскаў пасвячаныя многія касцёлы ў Гродзенскай дыяцэзіі. Пераважная большасць з іх мае старадаўнюю гісторыю, а некаторыя сёлета святкуюць вялікія юбілеі.
Дыяцэзіяльная сям’я павіншавала ардынарыя з юбілеем. У дзень свайго 75-годдзя біскуп Аляксандр Кашкевіч цэлебраваў святую Імшу ў катэдральнай базыліцы святога Францішка Ксавэрыя ў Гродне.
Чаму важна ведаць гісторыю свайго роду? Пра працэс аднаўлення гістарычнай «тканіны» распавядае генеалог — спецыяліст па радаводах.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 29 верасня ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах даступныя на сайце Grodnensis.by.
