З 6 па 8 чэрвеня ў парафіі Найсвяцешай Панны Марыі Ружанцовай ў Ракаве (Мінска-Магілёўская архідыяцэзія, Валожынскі дэканат) адбыўся з’езд малодшай па ўзросце групы міністрантаў з трох парафій Мінска-Магілёўскай архідыяцэзіі.
У сустрэчы ўдзельнічалі міністранты з Мінска, Маладзечна і Ракава — усяго 14 чалавек. Адказнымі за з’езд быў мясцовы пробашч, ксёндз Дзмітрый Чупрын, якому дапамагала сястра Юзэфа СSFN.
У першы дзень з’езду адбыліся інтэграцыйныя сустрэчы, наведанне парафіяльных могілак і капліцы святой Ганны, канферэнцыі, і актыўны гульнёвы адпачынак.
Падчас практычных заняткаў звярталася ўвага на базавыя элементы літургічнай паслугі міністранта: паставы цела, рухі і жэсты.
Найбольш значнай адметнасцю наступнага дня стаў візіт Мітрапаліта Мінска-Магілёўскага арцыбіскупа Юзафа Станеўскага, які ўзначаліў цэлебрацыю святой Імшы з нагоды ўрачыстасці Найсвяцейшага Сэрца Езуса.
Разважаючы над Божым Словам, арцыбіскуп падкрэсліў сутнасць і значнасць міністранцкай паслугі пры Божым алтары. Мітрапаліт таксама правеў размовы з міністрантамі і практычна перадаў некаторыя адмысовыя элементы гульні ў футбол.
Заключны дзень сустрэчы адзначыўся радасцю ад узніклага сяброўства паміж хлопцамі, а таксама лёгкім сумам ад хуткага заканчэння з’езду.
