Акрамя знаёмства з пасвячаным 25 мая ў Гродне біскупам каад’ютарам Гродзенскай дыяцэзіі Уладзімірам Гуляём, з новага нумару газеты «Слова жыцця» (№ 11 (632) 2024) чытачы даведаюцца пра парафіяльны музей, які адкрыецца ў Іўі, а таксама навучацца спакойна прымаць тое, што немагчыма змяніць.
Новапасвячаны біскуп: знаёмімся бліжэй. Які след біскуп-каад’ютар Гродзенскай дыяцэзіі Уладзімір Гуляй пакінуў у жыцці вернікаў, якія былі асабіста з ім знаёмыя?
У Іўі рыхтуецца да адкрыцця парафіяльны музей. «Ён патрэбны для таго, каб людзі ведалі мінулае; ведалі асобаў, якія захавалі тое, што мы маем сёння», — тлумачыць пробашч парафіі ксёндз Павел Калеснік.
Як спакойна прыняць тое, што немагчыма змяніць? Пра пакору і мудрасць у дачыненні да сітуацый, на якія немагчыма паўплываць, разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 26 мая ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
PDF-версія газеты на беларускай і польскай мовах пададзены на сайце Grodnensis.by.
