Перад урачыстасцю Спаслання Духа Святога, якая сёлета адзначаецца 19 мая, моладзь з парафіі святога Арханёла Міхала ў Навагрудку (Гродзенская дыяцэзія) запісала адмысловы кліп.
Ён быў запісаны ў незвычайным месцы — у нядаўна адкрытай у сутарэннях іх парафіяльнага касцёла крыпце святога Дамініка і біскупа Віта. У спеве-малітве юнакі і дзяўчаты запрашаюць вернікаў, перадусім сваіх аднагодкаў, адкрыць сэрцы для трэцяй Божай Асобы.
Інтэнцыяй маладых вернікаў з’яўляецца просьба да Духа Святога аб супакоі ў сэрцах людзей і аб міры ва ўсім свеце.
Спеў «Як дождж цёплы Твая любоў…» — гэта своеасаблівы музычны падарунак для ўсіх маладых вернікаў ад моладзі з Навагрудка.
Відэа было размешчана на YouTube-канале пробашча парафіі святога Арханёла Міхала ў Навагрудку ксяндза Юрыя Жэгарына.
