Пошук


15.05.2017 00:00   Catholic.by
Фота Віталія Палінеўскага

15 мая ў санктуарыі Маці Божай Фацімскай у Жодзіне падчас пастырскай сустрэчы духавенства Мінска-Магілёўскай архідыяцэзіі быў дадзены старт ажыццяўленню новага праекта breviar.catholic.by (лічбавы фармат Літургіі гадзінаў на беларускай мове).

Адпаведная дамова была падпісана паміж Канферэнцыяй Каталіцкіх Біскупаў у Беларусі, як праваўладальнікам, і Вікарыятам мучанікаў з Росіцы Польскай правінцыі Кангрэгацыі Айцоў Марыянаў, як выканаўцам.

Праект breviar.catholic.by падтрыманы Канферэнцыяй Каталіцкіх Біскупаў у Беларусі і будзе размешчаны на афіцыйным інтэрнэт-партале Каталіцкага Касцёла ў Беларусі Сatholic.by. Дадзены праект ахоплівае наступныя этапы: падрыхтоўчая праца, размяшчэнне тэкстаў у лічбавым фармаце, тэхнічны нагляд за дзейнасцю.

Каардынатары праекта: прадстаўнік Вікарыяту мучанікаў з Росіцы, дырэктар Сatholic.by і старшыня Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры ККББ.

Секцыя па перакладзе літургічных тэкстаў
і афіцыйных дакументаў Касцёла пры ККББ

Абноўлена 30.11.2017 23:13
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.