Свежы нумар газеты Гродзенскай дыяцэзіі «Слова жыцця» (№4 (625) 2024) асвятляе велікапосную тэматыку і дае адказы на пытанні, якія закранаюць штодзённае жыццё вернікаў мясцовага Касцёла.
Вялікі пост: час збіраць камяні. Пра практыку рэкалекцый у Касцёле, яе сутнасць і духоўны плён распавядае адказны за рэкалекцыйны дом пры парафіі святога Міхала Арханёла ў Навагрудку ксёндз Юрый Жэгарын.
Гаварыць з Богам па-беларуску. У матэрыяле ўздымаецца пытанне адносна таго, якога моўнага падыходу патрабуе душпастырства ў Беларусі і ці ёсць у вернікаў праблемы з разумененнем роднай мовы ў Касцёле?
Як рэлігія дапамагае ў складаных сітуацыях? Аб механізмах уздзеяння рэлігіі на чалавека ў традыцыйнай рубрыцы разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 17 лютага ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
