27 студзеня ў касцёле святога айца Піо ў Маладзечне (парафія ссвятога Казіміра, Мінска-Магілёўская архідыяцэзія) чатыры асобы прынялі рашэнне распачаць перыяд уводзінаў у мясцовай супольнасці свецкіх францішканаў.
Як паведамляе парафіяльны сайт Pio.by, падчас святой Імшы кандыдаты аднавілі свае абяцані святога хросту.
Кожны з гэтых вернікаў мае намер наследаваць Хрыста па прыкладу святога Францішка Асізскага.
У гаміліі брат Уладзіслаў Мінько, духоўны асістэнт мясцовай супольнасці Францішканскага ордэна свецкіх, нагадаў пра тое, што кожны ахрышчаны пакліканы да таго, каб выракацца зла, вызнаваць веру ў Бога, выказваць давер Яму, аддаючы ў Яго рукі сябе і сваё жыццё, бо гэта з’яўляецца сутнасцю хросных абяцанняў.
Святар падкрэсліў, што жыццё згодна з правілам Францішканскага ордэна свецкіх — гэта шлях аднаўлення, паглыблення хросту, распазнання і ўсведамлення праўды пра сябе, шлях навяртання. На гэтым шляху чалавек не адзін: яго падтрымлівае супольнасць, але найперш яго вядзе і ўмацоўвае Божае слова.
