21 снежня ў Дзіцячым дабрачынным сацыяльна-рэабілітацыйным цэнтры святога Лукі ў Ляскоўцы (Мінскі раён) прайшло святочнае мерапрыемства для дзяцей, хворых на анкалогію.
Арганізатарамі свята стала Даьрачыннае каталіцкае таварыства Сaritas Мінска-Магілёўскай архідыяцэзіі.
Дзеці і бацькі адчулі сябе як у навагодняй казцы.
Акрамя падапечных рэабілітацыйнага цэнтра пры Caritas, удзел узялі маленькія госці з РНПЦ дзіцячай анкалогіі, гематалогіі і імуналогіі ў Бараўлянах і «SOS-Дзіцячая вёска Бараўляны».
Супрацоўнікі дабрачыннага таварыства ўпэўнены, што хвароба не зможа перашкодзіць радасці ад чакання Божага нараджэння: вера ў цуды і святочны настрой могуць адцягнуць увагу дзяцей і бацькоў ад цяжкага лячэння.
Напрыканцы мерапрыества дырэктар Сaritas Мінска-Магілёўскай архідыяцэзіі брат Анатоль Ярошка OFMCap здзівіў маленькіх жыхароў дзіцячага цэнтра: яны атрымалі пажаданыя падарункі, якія былі падрыхтаваныя партнёрамі Дабрачыннага каталіцкага таварыства асабіста для кожнага дзіцяці.
