![](/3/images/news/2023/11/16622/2023-11-29-Vizit_generala-20231126-004.jpg)
26 лістапада, ва ўрачыстасць Хрыста Валадара Сусвету, супольнасць кармэлітаў босых і парафію Божага Цела ў Мінску наведаў з братэрскім візітам Генеральны настаяцель Ордэна Братоў Босых Найсвяцейшай Панны Марыі з Гары Кармэль айцец Мігель Маркес Калле OCD з Рыма.
Вернікі сталічнай парафіі, у якой нясуць служэнне айцы кармэліты босыя, прывіталі айца Генерала традыцыйнымі хлебам і соллю. Высокі госць скіраваў да прысутных словы прывітання, у якіх адзначыў, што, хоць ён з’яўляецца іспанцам, але сёння сярод усіх сабраных таксама адчувае сябе беларусам. Айцец Мігель узначаліў цэлебрацыю Эўхарыстыі і скіраваў да прысутных Божае слова. Манаскі настаяцель засяродзіў увагу на важнасці даверу Богу, часам нават насуперак чалавечай надзеі, прыводзячы ў якасці прыкладу самога Хрыста, Адкупіцеля і Збаўцу, а таксама святую Тэрэзу ад Дзіцятка Езуса і святога Яна ад Крыжа. На заканчэнне святой Імшы Рэгіянальны настаяцель кармэлітаў босых у Беларусі айцец Пётр Фраштэнга OCD падзякаваў айцу Генералу за супольную малітву, за візіт у Беларусь і пажадаў плённай працы ў служэнні Касцёлу і Ордэну.
Пасля Эўхарыстыі Генеральны настаяцель правёў братэрскую сустрэчу з мінскай супольнасцю кармэлітаў босых і з членамі свецкага Ордэна, што існуе пры мясцовай манаскай супольнасці.
У сустрэчы з Генералам бралі ўдзел прадстаўнікі з Мінска, Мазыра, Смаргоні і Стоўбцаў. Пазней душпастыры, сёстры Міласэрнасці святога Вінцэнта дэ Поля, якія служаць у парафіі, а таксама дзеці і моладзь арганізавалі і запрасілі прысутных на баль Усіх Святых. Мэта гэтага балю — пашырэнне сярод вернікаў усведамлення таго, што кожны хрысціянін пакліканы да святасці, а таксама дзяленне радасцю супольнага святкавання. Высокі Госць з Рыма таксама без цырымоній пераапрануўся на баль у касцюм свайго нябеснага апекуна — святога Арханёла Міхала. Удзельнікі балю зрабілі прэзентацыю сваіх святых, чые вобразы прадставілі на гэтым мерапрыемстве. Святкаванне суправаджалася спевамі, танцамі і салодкім сталом, падрыхтаваным бацькамі ўдзельнікаў.
![](/3/images/news/2023/11/16622/2023-11-29-Vizit_generala-20231129-009.jpg)
Увечары Генеральны настаяцель кармэлітаў босых у будынку Курыі сустрэўся з Мітрапалітам Мінска-Магілёўскім арцыбіскупам Юзафам Станеўскім.
![](/3/images/previews/news/2023/11/16622/s-2023-11-29-Vizit_generala-20231129-008-cb.jpg)
![](/3/images/previews/news/2023/11/16622/s-2023-11-29-Vizit_generala-20231129-007-cb.jpg)
![](/3/images/previews/news/2023/11/16622/s-2023-11-29-Vizit_generala-20231126-002-cb.jpg)
![](/3/images/previews/news/2023/11/16622/s-2023-11-29-Vizit_generala-20231126-001-cb.jpg)
![](/3/images/previews/news/2023/11/16622/s-2023-11-29-Vizit_generala-20231129-024.jpg)
![](/3/images/previews/news/2023/11/16622/s-2023-11-29-Vizit_generala-20231126-005-cb.jpg)
![](/3/images/previews/news/2023/11/16622/s-2023-11-29-Vizit_generala-20231126-003-cb.jpg)
![](/3/images/previews/news/2023/11/16622/s-2023-11-29-Vizit_generala-20231126-004-cb.jpg)
![](/3/images/previews/news/2023/11/16622/s-2023-11-29-Vizit_generala-20231129-009-cb.jpg)
![](/3/images/news/2023/11/16622/2023-11-29-Vizit_generala-20231129-008.jpg)
![](/3/images/news/2023/11/16622/2023-11-29-Vizit_generala-20231129-007.jpg)
![](/3/images/news/2023/11/16622/2023-11-29-Vizit_generala-20231126-002.jpg)
![](/3/images/news/2023/11/16622/2023-11-29-Vizit_generala-20231126-001.jpg)
![](/3/images/news/2023/11/16622/2023-11-29-Vizit_generala-20231129-024.jpg)
![](/3/images/news/2023/11/16622/2023-11-29-Vizit_generala-20231126-005.jpg)
![](/3/images/news/2023/11/16622/2023-11-29-Vizit_generala-20231126-003.jpg)
![](/3/images/news/2023/11/16622/2023-11-29-Vizit_generala-20231126-004.jpg)
![](/3/images/news/2023/11/16622/2023-11-29-Vizit_generala-20231129-009.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)