12 лістапада ў парафіі Божай Міласэрнасці ў Асіповічах (Мінска-Магілёўскай архідыяцэзія, Бабруйскі дэканат) вернікі прынялі сакрамэнт Канфірмацыі, які ім удзяліў Генеральны вікарый Мінска-Магілёўскай архідыяцэзіі біскуп Юрый Касабуцкі.
У прамоўленай падчас Імшы гаміліі іерарх адзначыў, якую пераломную ролю адыграў момант спаслання Духа Святога ў жыцці апосталаў і вучняў Хрыста.
Біскуп Касабуцкі ўзгадаў, як хутка прабягае час жыцця на зямлі і як важна напоўніць яго сэнсам і духоўнымі каштоўнасцямі.
Пасля гаміліі прысутныя аднавілі абяцанні, дадзеныя Пану Богу пры хросце. Прагучала малітва да Духа Святога, пасля якой біскуп у прысутнасці сведкаў намасціў алеем хрызмам кандыдатаў да сакрамэнту Канфірмацыі.
Парафіяне разам з пробашчам айцом Натанаэлем Войталам OFM выказалі ўдзячнасць іерарху за пастырскую апеку.
На шлях духоўнага ўзрастання біскуп удзяліў прысутным Божае благаслаўленне.
